Deputeti i PS-së Baftjar Zeqaj, i cili u kap nga kamerat në Kuvend duke votuar për kolegen në seancë parlamentare që është një shkelje e rëndë, është një nga deputetët që ka firmosur për përjashtimin e 6 deputetëve të opozitës. Me këtë kërkesë rreth gjysma e grupit parlamentar të PD është përjashtuar nga seancat e fundit parlamentare. PD-ja e Berishës e quan këtë ngjarje si një akt të paprecedentë.
“Me një akt të paprecedentë, socialistët në mungesë argumentesh mbrojtës për skandalin e lidhjeve korruptive të Edi Ramës dhe McGonigal, kanë zgjedhur që çdo seancë të përjashtojnë deputetë të opozitës. Socialistët sërish në shkelje kërkojnë mbledhjen e Sekretariatit jashtë afatit, 4 ditë pas dorëzimit të kërkesës. Sipas Rregullores, sekretariati duhej të ishte mbledhur 48 orë pas dorëzimit të kërkesës së deputetëve socialistë, pra më datë 19 shkurt”, deklaron PD.
Sekretariati për Procedurat dhe Votimet pritet të përjashtojë deputetët e PD.
Edmond Spaho
Elda Hoti
Sorina Koti
Oerd Bylykbashi
Lindita Metaliaj
Greta Bardeli