“Aleanca për Shqipërinë Europiane” do të quhet koalicioni i socialistëve për zgjedhjet vendore të 30 qershorit. Ka qenë sekretari i përgjithshëm i PS-së, Taulant Balla që ka zhvilluar një takim mesditën e sotme, ku marrëveshja është firmosur nga 24 parti aleate të së majtës.
Në këtë marrëveshje theksohet se aleatët autorizojnë kreun e qeverisë Edi Rama që të zgjerojnë koalicionin pa pasur nevojë për miratimin me shkrim të partive aleate, e ndërsa theksohet se qëllimi i saj është maksimalizimi i rezultatit zgjedhor.
Bien në sy emrat e partive të Skënder Gjinushit, Paska Milos, Gaqo Apostolit etj. Shkurtimi i emrit të koalicionit nuk do të jetë si në 2015, ASHE, por do të identifikohet me “ASE”.