Kryesia e Partisë Socialiste ka zyrtarizuar 6 kandidatët për zgjedhjet e pjesshme lokale që do të mbahen më 9 nëntor.
E teksa në Asamblenë e Përgjithshme të PS u vendos që Ogerta Manastirliu të kandidonte në Tiranë, në mbledhjen e sotme u vendosën dhe emrat për 5 bashkitë e tjera.
Gramoz Sako do të kandidojë për kryetar bashkie në Tepelenë, një vend i lënë bosh nga Tërmet Peçi që u zgjodh deputet më 11 maj.
Altin Bojni do të jetë kandidati për Bashkinë e Matit, Brunilda Mersini në Vlorë, Florenc Doka në Cërrik dhe Ervin Ceca në Berat.