Paris Saint-Germain pritet që të jetë pa yllin e ekipit Neymar deri në fund të marsit. Braziliani ka pësuar një dëmtim në këmbën e tij të djathtë gjatë përballjes së PSG-së kundër Strasbourgut javën e kaluar, një lëndim që ishte pak a shumë i njëjtë me atë të 2018-ës që e kishte lënë atë pa luajtur 3 muaj.
Sipas L’Equipe, braziliani mund të jetë jashtë për dy muaj, që do të thotë se ai do të humbasë dy takimet parisienëve në Ligën e Kampionëve kundër Manchester United dhe 12 sfida të tjera në kampionat dhe kupë.
“Do të jetë shumë vështirë që ai të përballet me United. Siç e shpjegova dje, është ende herët për të ditur kohën e rikthimit të tij”, tha trajneri i PSG, Thomas Tuchel duke shtuar “Ne duhet të presim për javën e parë dhe të shikojmë si do të jetë reagimi i tij pas tretmanit dhe vetëm pas kësaj mund të dimë më shumë”.
Trajneri i Brazilit Tite po ashtu ka udhëtuar në Paris për të parë gjendjen e yllit të kombëtares.
“Shëndeti i Neymar nuk mund të anashkalohet. Unë mund ta humbas punën por nuk mund të rri pa e telefonuar kur ai është i lënduar”, tha Titte.
Të hënën, mjekë nga Brazili dhe PSG u takuan në Paris, me në krye doktorin e kombëtares së Brazilit, Rodrigo Lasmar, i cili e operoi atë një vit më parë.
Gjithashtu, L’Equipe raportoi se fraktura e shfaqur në grafi nuk është e re, në fakt është e sezonit të kaluar.
Tani, ai po vuan nga “pseudarthrosis”, sepse që lëndimi i tij nga viti i kaluar ende nuk është shëruar plotësisht.