Çdo humbje e PSG tashmë dihet që do të shoqërohet me polemika dhe me thirrje për shkarkimin e Tomas Tuhel. Sigurisht që zërat do të shtohen edhe më shumë pas humbjes së sotme te parisienëve përballë Monakos, në nëj sfidë që dukej se kishin në dorë, por që u kthye plotësisht nga një përmbysje e jashtëzakonshme e ekipit vendas.
PSG bëri gjithçka mirë në pjesën e parë duke dominuar e duke shënuar dy here me anë të Mbape. Ndërkohë, pa t’i anullohen dy gola të tjerë nga VAR, që i hoqi mundësinë për të mbyllur sfidën.
Por Monako nuk u dorëzua dhe me anë të Kevin Volland, tundi dy herë rrjetën për t’i dhënë vetes një mundësi për të synuar edhe fitoren. Ajo erdhi falë penalltisë të realizuar nga Fabregas pak minuta para mbylljes së takimit për t’i dhënë Monakos një sukses të rëndësishëm 3-2.
PSG mbetet përsëri në vendin e parë me 4 pikë diferencë nga Monako e vendit të dytë. Megjithatë, disfata përballë një kundërshtari direkt është shqetësim i madh, ashtu si edhe fakti se në ndeshjet e rëndësishme, skuadra po zhgënjen gjithnjë e më shumë dhe ka hedhur dyshime të mëdha mbi projektin aktual të klubit.