Kreu i grupit parlamentar të PD-së, Enkeljed Alibeaj ka dhënë një prononcim për gazetarët pas takimit që pati me Ndihmës Sekretaren për Byronë e Çështjeve Evropiane dhe Euroaziatike Dr. Karen Donfrie.
Alibeja u shpreh se ai mori mbështetjen nga zyrtarja e DASH për një opozitë të fortë dhe të qëndrueshme pro amerikane. Kreu i grupit parlamentar demokrat u pyet edhe nëse Berisha ishte pjesë e diskutimeve në këtë takim, duke mos dhënë një përgjigje për këtë, por ritheksoi se zyrtarja e DASH ofroi mbështetjen e saj për një opozitë që sheh nga e ardhmja.
“Pata kënaqësinë ta takoja. Diskutuam për çështje që shqetësojnë Shqipërinë, si ajo e demokracisë. Diskutuam për Shtetin e së Drejtës, si dhe për luftën ndaj Korrupsionit. I shpreha vendosmërinë tonë për luftën ndaj korrupsionit. Vendosmërinë dhe qartësinë tonë për këto sfida. Nuk lash pa diskutuar marrëdhënien e posaçme që PD ka pasur me SHBA në të gjithë trajektoren politike. Vura re për këtë marrëdhënie të posaçme për mbështetje. Morëm mbështetje të fortë për një opozitë të fortë dhe të qëndrueshme. Opozitë pro amerikane. Janë çështje të rëndësishme” u shpreh Alibeaj.