Qeveria ka vendosur të mbulojë shpenzimet për mjekimin e prokurores së Prokurorisë së Pukës, Elidiana Kasa në masën një million e 200 mijë lekë të reja. Në dokumentin zyrtar të vendimeve të para të qeverisë Rama bëhet me dije se ky fond do të përballohet nga Fondi i Sigurimit të Detyrueshëm të Kujdesit Shëndetësor dhe se pagesa do të bëhet me paraqitjen e faturave përkatëse të institucionit të kurimit. Në vendim nuk jepen detaje në lidhje me situatën shëndetësore të prokurores Kasa apo se cila është sëmundja nga çfarë vuan ajo konkretisht, për të cilën duhet një kurë me këtë vlerë.
Vendimi
Pjesë nga vendimi:
Mbulimin e shpenzimeve të mjekimit të znj. Elidiana Kasa, në masën 1 200 000 (një milion e
dyqind mijë) lekë.
Ky fond të përballohet nga Fondi i Sigurimit të Detyrueshëm të Kujdesit Shëndetësor. Pagesa të bëhet me paraqitjen e faturave përkatëse të institucionit të kurimit. Ngarkohen Ministria e Shëndetësisë dhe Mbrojtjes Sociale dhe Fondi i Sigurimit të Detyrueshëm të Kujdesit Shëndetësor për zbatimin e këtij vendimi. Ky vendim hyn në fuqi menjëherë.