Qeveria ka miratuar një projektligj i cili parashikon shpërndarjen e pronave shtetërore tek individët.
Kjo nismë ligjore ndryshe nga ligji 7501, parashikon që këto toka shtetërore të kalojnë tek individë të tretë, të cilët synojnë të investojnë në roant e tyre, por sipërfaqja që ata disponojnë kufizohet nga prona shteëtrore.
Projektligji i qeverisë i ka kaluar për shqyrtim Kuvendit, dhe ai ndryshon aktin normavit me fuqine e ligjit nr.4 datë 9.7.2008 të Këshillit të Ministrave, “Për privatizimin dhe dhënien në përdorim shoqërive tregtare dhe institucioneve shtetërore të ndërmarjeve apo objekteve të veçanta, mjeteve kryesore të xhiros së këtyre ndërmjarreve”.
Relacioni shoqërues ui i projektligjit thekson se ndryshimet konsistojnë në krijimin e një forme të re, që këto prona shtetërore të kalojnë te privatët përmjes tjetërsimit. Por, jo vettëm me ankande apo me tender.
Konkretisht shtesa e parë bëhet në paragrafin e dytëtë nenit 2, ku në fjalinë e parë pas fjalës “tenderit” shtohen fjalët, “ose tjetërsimit”. Tjetërsimi bëhet përmes kontratave të tjetërsimit kur pronësia mbi pasurinë kalon në çastin e lidhjes së kontratës së tjetërsimit të kësaj pasurie. Blerësi apo përfituesi i kësaj pasurie bëhet pronar i ligjshëm i saj në momentin e nënshkrimit të kontratës.
Ndryshimi i dytë prek sërish nenin 2 të aktit normativ, ku shtohet një paragraf me këtë përmbajtje: Kalimi i pronës shtetërore në private të bëhet edhe në funksion të planeve të përgjithshme vendore, sipas kushteve dhe kritereve që përcaktohen me Vendim të Këshillit të Ministrave”.
Në relacionin shoqërues thuhet gjithashtu se thelbi i “ndryshimeve të propozuara bën të mundur që në ligj të parashikohet mudnësia e privatizimit të sipërfaqeve të pronës shtetërore te të tretët, në funksion të planeve të përgjithshmë vendore të miratuara, si dhe sipas kushteve e procedurave që do të përcaktohen me Vendim të Këshillit të Ministrave”.
Qeveria argumenton se në mjaft raste ekzistojnë sipërfaqe të ndryshme toke pronë private, të cilat janë të përfshira në planet e mirataura të zhvillimit urban nga ana e njësive të qeverisjes vendore. Qeveria me këtë ndryshim praktikisht fal pronat e institucioneve shtetërore të cilat mund të jenë si në qendër të qyteteve ashtu dhe në zona me potencial turistik.
Por ajo që nuk kuptohet është domosdoshmëria e futjes së konceptit të tjetërsimit të pronës private, duke qenë se aktualisht janë dy forma se si mund të përfitohen pronat shteëtrore përmes ankandit apo tenderit, dhe që mund ti sjellin buxhetit të shtetit shuma të majme nga privatizimi i tyre.