Radha e mjeteve që duan të kalojnë kufirin për në Greqi përmes Kakavijës ka arritur disa kilometra, deri në fshatin Jorgucat.
Përveç mbylljes së kufirit gjatë natës, shkak për krijimin e trafikut është bërë dhe vonesa e procedurave të kalimit nga pala greke që iu bën tamponë të gjithë personave që kalojnë për koronavirusin.
Nga të dhënat e djeshme mësohet se shërbimet e DVKM Gjirokastër, kanë përpunuar një numër prej 3346 shtetasish në hyrje–dalje, nga të cilët 1010 në hyrje dhe 2336 në dalje.