Kryeministri Edi Rama, gjatë komunikimit në rubrikën Sy m’Sy” theksoi se qeveria nuk bën premtime elektorale, por programet e prezantuara janë pjesë e planeve për zhvillimin e vendit dhe nuk përdoren për qëllime elektorale.
Ai theksoi se qëllimi kryesor është integrimi i Shqipërisë në BE, të tjerat janë historia dhe përralla pa vlerë.
“Ne jemi qeveria, dhe ne nuk bëjmë premtime elektorale. Nuk kemi bërë as në 2021, as 2017 në aspektin e punëve, sepse në aspektin e punëve ne ndajmë informacione me publikun.
Ëndrra jonë është një: Shqipëria në BE, të gjitha të tjerat janë përralla. Janë plane qeverisëse, nuk janë premtime elektorale”, tha ai.