Kryeministri Edi Rama ka zhvilluar një takim me ambasadorët e huaj në vendin tonë, në një takim tradicional të fundvitit.
Gjatë takimit, kreu i qeverisë shqiptare ka mbajtur një fjalim, ku ndër të tjera, ka prekur dhe fitoren në mandatin e tretë qeverisës.
“Ajo që bëjmë tani dhe mënyra si bashkëpunojmë me njëri-tjetrin do të përcaktojë nëse viti tjetër apo vitet që vijnë do të jenë më të lehta apo më të vështira. Veprimet tona vendosin se çfarë do të ndodhë në vendet tona si qytetarë të kombeve të ndryshme. Ne jemi këtu për të festuar dhe dëshira ime për vitin e ri është që siç po festojmë këtu si qenie njerëzore ashtu edhe të bashkëpunojmë në të ardhmen.
Të fitoja mandatin e tretë qeverisës nuk më bëri të ndihesha i pamposhtur, por më modest dhe i përulur kundrejt njerëzve të Shqipërisë, të cilët më besuan mua. Më lini të rrëfej se fitorja ishte e ëmbël dhe e hidhur. Mendoj se nuk kemi bërë mjaftueshëm në një vend ku kundërshtari politik shihet jo si një person me të cilin duhet të angazhohemi për të bashkëpunuar, por si armik që duhet shkatërruar. Pas një fitoreje të tillë më përndjek akoma më shumë nga pafuqia e pushtetit për të ecur më shpejt sa do duhej për modernizimin e një vendi”, tha Rama.