Gjatë bashkëbisedimit me qytetarë në Fier, kryeministri Edi Rama ka thënë se në mandatin e 3 është një mundësi për të hapur universitetin e stambollit në vend si dhe akademia ushtarake.
“Për mjekët dhe infermierët sistemi ynë do ketë gjithmonë nevojë, nuk është si universitetet e tjera që tregu është i mbingopur nga studentët e tyre si juristë psh, duhet të shtojmë përpjekje ti japim cilësi arsimit të lartë. Universiteti ka marrë një autonomi shumë të madhe që po e shfrytëzon shumë lirinë dhe nuk zbaton përgjegjegjësinë.
Në mandatin e 3 ne do shtyjmë shumë për të sjellë këto universitete që janë me emër dhe reputacion të madh në vende të mëdha. I pari do jetë ardhja e Univeristetit teknologjik të Stambollit. Kemi pasur një eksperiencë të bukur të studentëve shqiptarë. Ardhja e universitetit teknik të Stambollit do t’u japë mundësi të rinjve të shkojnë në një univesitet kombëtar por që të mos lëvizin nga vendi. Është një univeristet që funksionon perfekt për tregun.
Një projekt me të cilën po punojmë me SHBA është akademia ushtarake, transformimi i saj në një akademi amerikane, me ekspertë nga SHBA. Akademia e sigurisë po ashtu, një akademi ku do ketë degë studimore që lidhen drejtpërdrejtë me degë të akademive amerikane. Besoj që do i japë tjetër cilësi arsimit të lartë, transformimit të dijes këtu. Janë procese që duan kohën e tyre, jam besimplotë që do ia dalim”, tha Rama.