Kryeministri Edi Rama ka folur nga Kolonja duke thënë se procesi i vaksinimit është në proces dhe ende s’e ka këputur zinxhirin e infektimit.
Ndërsa theksoi se nuk duhet të shkelen rregullat antiCOVID, ka ironizuar dhe PD, për të cilën thotë se sillet në mënyrë të papërgjegjshme.
“Ne jemi në një fazë të re në vaksinim masiv që do të na mundësojë ta nxjerrim jashtë nga jetët tona virusin. Vaksinimi është në proces por ende ska shkuar në pikën që të këpusë zinxhirët e infektimit. Çdo grumbullim çdo shkelje rregullash e saboton procesin e vaksinimit e rrit numrin e infektimeve shton plagët dhe numrin e jetëve të humbura.
Skemi nevojë ta provojmë por e shohim rreth nesh.
Çfarë borxhi kanë njerëzit e zakonshëm atyre që sillen në mënyrë të papërgjegjshme. Çfarë besimi mund të kenë njerëzit. As ne se kemi kollaj dhe mua më shkruajnë pse s’mbildhemi dhe ne të tregojmë forcën. Për 1 arsye të thjeshtë se ne sjemi njësoj. S’jemi një çetë… Ku janë mbledhur lloj lloj rrypash Tërmeti dhe pandemia sfida që na e kthyen mandatin e 2 në një luftë.
Ne do t’ia dalim ta nxjerrim jashtë nga vendi jonë armikun e padukshëm sepse ne kemi karakterin kemi durimin dhe ne nuk pushojmë nuk ndalojmë, punojmë dhe besojmë te Shqipëria. Ata që kanë dalë në këtë përballje flasin sikur këtu nuk ka luftë asnjë plagë për të luftuar por përsërisin tu thonë shqiptarëve të njëjtën gjë. Ne s’do ta lejojmë kthimin e Shqipërisë pas”, tha Rama.