Kryeministri Edi Rama u ka bërë thirrje pensionistëve që t’i drejtohen platformës së bashkëqeverisjes për të marrë lekët e mohuara.
Gjatë takimit të përjavshëm me njerëzit që kanë gjetur zgjidhje, pasi i janë drejtuar kësaj platforme shefi i qeverisë tha se edhe pensionistët do të marrin zgjidhje përmes saj.
“Ne jemi shumë të angazhuar për t’i ardhur në ndihmë të gjithë pensionistëve, që kanë nevojë për rillogaritjen e pensionit. E mira e kësaj pune është që pasi bëhet llogaritja e pensionit do vendoset pensioni në shumën e drejtë, merret gjithë diferenca lekë dore.
Kështu që të gjithë ato lekë të mohuara në disa vite vijnë menjëherë, dhe kjo e shlyen deri diku detyrimin moral të shtetit ndaj pensionistëve. I bëj thirrje të gjithë pensionistëve që kanë një problem, të mos mundohen të shkojnë në zyrat e Institutit të Sigurimeve Shoqërore, por t’i drejtohen platformës bashkëqeverisëse, pasi ne zgjidhim me shumë kënaqësi problemin e tyre”, tha Rama.
