Pas akuzave nga Berisha, kryeministri Edi Rama ka publikuar një video me Engjëll Agaçin, nga zyra e tij. Ky i fundit është Sekretari i Përgjithshëm i Kryeministrisë.
Sipas Ramës, Bufi i Kënetës (Berisha) e shpalli arratiak në kërkim nga drejtësia dhe e gjithë aradheja kënetore kanal më kanal e portal më portal. Po ashtu Rama tregon edhe se Agaçi ishte në fije të perit në reanimacion me frymëmarrje të drejtuar, pas një operacioni në zemër që pasoi nga një ndalim i funksionit të mushkërive.
”Ky është Sekretari i Përgjithshëm i Kryeministrisë, Engjëll Agaçi, të cilin Bufi i Kënetës e shpalli arratiak në kërkim nga drejtësia dhe e gjithë aradheja kënetore kanal më kanal e portal më portal, ia telendisi familjen e të afërmit, duke batërdisur publikun me kua-kua-kuara të ububushme, teksa tjetri ishte në fije të perit në reanimacion me frymëmarrje të drejtuar, pas një operacioni në zemër që pasoi nga një ndalim i funksionit të mushkërive”,-shkruan Rama.