Ka nisur konferenca për shtyp e njoftuar nga Partia Socialiste, ku kryeministri Edi Rama i shoqëruar nga Ministri i Drejtësisë Ulsi Manja, do të flasin në lidhje me sistemin në Drejtësi në vend.
I pari që mori fjalën ishte kreu i qeverisë, i cili tha është e nevojshme që SPAK të hetojë të gjithë politikanët, gjyqtarët dhe prokurorët e korruptuar.
“Disa të tjerë e kanë komentuar si presion, apo përpjekje për të fshehur problemet. Për mua më e rëndësishmja është që ky diskutim të bëhet. SPAK mbush tre vjet dhe vettingu edhe pak javë mbush 5 vjet. Dhe për pak vite pritja e popullit shqiptar për një drejtësi të barabartë mbush 35 vjet. Ndaj si dikush që për shkak të detyrës e ka udhëhequr politikisht dhe moralisht reformën në drejtësi në emër të forcës politike që i ka dhënë fuqi dhe mbështetje morale apo politike”, u shpreh Rama.