Kryeministri Edi Rama ka takuar ministrin për Europën dhe Çështjet Ndërkombëtare të Republikës së Austrisë Michel Linhart ku është diskutuar mbi disa çështje.
Në njoftimin e kryeministrisë thuhet se Rama i ka shprehur falënderimet ministrit për mbështetjen e Austrisë si mbështetëse e palëkundur të Shqipërisë në rrugën e integrimit evropian. Gjatë takimit është diskutuar mbi bashkëpunimin dypalësh si dhe përshpejtimin e procesit të integrimit në Bashkimin Evropian.
“Kryeministri Edi Rama me ministrin Federal për Europën dhe Çështjet Ndërkombëtare të Republikës së Austrisë, Michael Linhart ku diskutuan mbi bashkëpunimin dypalësh si dhe përshpejtimin e procesit të integrimit në Bashkimin Evropian. Mirënjohje Austrisë, mbështetëses së palëkundur të Shqipërisë në rrugën e integrimit evropian”, njofton kryeministria.