Një lajm i bujshëm është duke qarkulluar në mediat spanjollë. Bëhet fjalë për një interesim të 2 klubeve më prestigjioze në botë, Reali dhe Barcelona, për mbrojtësin e Kombëtares, Marash Kumbulla, i cili i surprizoi të gjithë me paraqitjen e tij në Serinë A te skuadra e Veronës.
Madrilenët e shikojnë Kumbullën si pasardhësin e Serxhio Ramos, teksa janë gati të shpenzojnë 20 milionë euro për shërbimet e mbrojtësit 19-vjeçar. Së fundmi në garë është futur edhe Barcelona, ndërkohë që shqiptari vëzhgohet edhe nga klube të tjera prestigjioze si Mançester Siti, Juventus, Inter, Dortmund, Napoli, etj. Pritet një “luftë” tepër e ashpër ne merkato.
“Shpërthimi i tij në futbollin italian ka qenë meteorik, deri në pikën ku një sezon i vetëm mund t’i shërbejë për t’u blerë nga më të mëdhenjtë.
Guardiola ka pranuar shpesh se i duket një mbrojtës i shkëlqyer, edhe pse në javët e fundit e ardhmja e lojtarit shqiptar është shumë më pranë Madridit se sa Mançesterit, për një operacion që do të kushtonte rreth 20 milionë euro”, shkruan “Don Balon” në artikullin që i kushtohet pikërisht transferimit të mundshëm të Kumbullës./ Panoramasport/