Deputeti demokrat që nuk dorëzoi mandatin, Myslim Murrizi ka zbuluar një skenar të opozitës së re në Kuvend. “Rebeli” i PD-së që u përjashtua nga partia në një intervistë për Top Channel tregon dhe për planet për ndryshimin e sistemit zgjedhor.
“Me grupin parlamentar që do të krijohet shumë shpejt ndoshta të enjten bëhemi 7 nga PD se do të vijë edhe kryetari PD i Peqinit si deputet. Por, edhe me pjesë që kanë zëvëndesuar listën e LSI unë si Myslym Murrizi nuk e di sa do të me ecë fjala me përfaqësues të tjerë në Kuvend do ta kushtëzoj votën time në ndryshim të sistemit zgjdhor pasi kodi është artificë, ku të gjitha palët kanë dashur të fusin duart tek votat. Komisionerët nuk duhet të jenë politikë dhe ka administratë siç janë arsimi, pra mësues. Duhet të ashpërsohet Kodi Penal për shitblerjen e votës, si për shitësin dhe blerësin”, deklaron Murrizi.
Murrizi tha se ai dhe opozita e re do të ngulmojnë për listat e hapura: Listat e hapura sjellin demokraci brenda subjekteve politike, vrasin servilizmin. Shkojnë para qytetarëve dhe vijnë në emër të qytetarëve në ato karrige ata që zgjidhen nga qytetarët. Listat e mbyllura kanë shtuar servilizmin, kanë nxitur orekset e kërmijve politik për të monopolizuar karriget në atë Parlament”, tha ai.