Kryeministri Edi Rama dhe qeveria jonë i kanë sytë deri më tani tek perëndimi sa i takon vaksinave të covid-19, duke refuzuar vaksinat ruse dhe ato kineze.
Pak ditë më parë Europa i ka konsideruar vaksinat lindore duke lënë një shteg të hapur, pasi ka shumë kërkesa dhe kompanitë perëndimore kanë gjasa të mos e përballojnë fluksin.
Kjo gjë po diskutohet sot në “Open”, ndërkohë që situatën e ka komentuar dhe avokati i njohur Spartak Ngjela. Ai ka thënë se Rama ka bërë një deklaratë të përgjegjshme kur tha se do i konsiderojë pasi t’i konsiderojë Europa.
Ngjela: Kryeministri ka tre përgjegjësi, përgjegjësia e tij ndaj aktit të vetë. E dyta që mirëqënia e shoqërisë dhe e treta sigurimi i ekuilibrit shtetëror. Këto tre ka kryeministri, të tjerat janë broçkulla. Ai tha për vaksinat ruse kur t’i pranojë BE-ja. Kush do ta kontrollojë Noc Rroku te këto spitalet tuaja? Ne s’kemi një laborator të saktë për të bërë analizat, si në kohën e komunizmit. Si do e marri kryeministri kur s’po i merr Europa. Ka kthyer sytë po s’ka marrë. Ai tha kur ta marri Europa do ta shoh unë. Ju nuk arrini të kuptoni se çfarë do të thotë përgjegjësi kryeministrore. Çfarë është ai një rronço ponço rrugësh, ndonjë nga këta këngëtarët e rrugëve? Akti kryeministror ka përgjegjësi të madhe. Kur ai thotë ende s’e ka marrë Europa, ç’më duhet mua. Ku do ta gjejë përgjegjësinë? Ju do ja jepni? Unë them që s’dua t’i shoh me sy ata, s’kam përgjegjësi me këtë që them, kryeministri ka.