Trajneri i përfaqësueses shqiptare, Edi Reja, ka deklaruar se do të ishte i lumtur nëse ekipi do të luante ndaj Anglisë si në pjesën e parë të sfidës kundër Andorrës. Megjithatë, ai pranoi për “SuperSport” se ekipi duhej të përmirësohej pasi kishte bërë pak në fazën sulmuese.
“Isha shumë i lumtur në pjesën e parë se kemi bërë aksione të bukura, mund të konkretizonim më shpejt, por në pjesën e dytë humbëm pak ritmin, kemi vuajtur 15 minuta. Është një skuadër e vështirë se të bën presing, të hidhet sipër, të bën fualle, është ë vështirë të luash. Marrim këto tre pikë dhe në fushë të vështirë, rezultati na shkon për shtat, mendoja të kishim më shumë gola, pro e rëndësishme është që e nisëm mire. Të shohim para me besim.
Ne kemi luajtur gjithmonë kështu, kemi pasur 5 lojtarë të fazës sulmuese në fushë, por duhet të kemi edhe karakteristikat e forces. Do të mundohem për momentin të shfrytëzoj këta lojtarë që kemi, pastaj do t’i japim ndonjë hapësirë të rinjve, se duke luajtur çdo tre ditë, duhet të zgjeroj grupin dhe të aktivizoj rreth 20 lojtarë. Pastaj mes tyre të shohim nëse do të dalë ndonjë që mund të na japë një dorë.
Ndeshja u bë e vështirë se ata u mblodhën me 5 mbrapa e nuk kishte hapësira, në këtë situatë duhet të gjejnë zgjidhje mesfushorët, ne u munduam ta gjenim nga krahët, e shfrytëzuam krahun e majtë me Lenjanin e Memushajn, në të djathtën më pak me Hysajn e Baren. Ishim pak më të pastër në të majtë, krijuam më shumë.
Ishim pak efikasë në fazën sulmuese. Por është ndeshja e parë në një fushë të vështirë, të marrim këto tre pikë dh etë kënaqemi nga kjo paraqitje. Jam i kënaqur me pjesën e parë nëse do të bënim 90 minuta kështu me Anglinë, do të isha shumë i kënaqur.
E dinim, nuk është ndeshja e parë që Shqipëria bën kështu, edhe në ndeshjet e tjera, të gjithë këtu kanë pasur vështirësi, i kam parë të gjitha. Kjo është skuadër e vështirë, nuk është se kemi pasur vështirësi vetëm ne. Nëse arrin të shënosh në fillim, atëherë hapen e mund të bësh një ndeshje më të mire, në pjesën e dytë nuk luajtëm mirë, bëmë pak. Në pjesën e dytë bëri vetëm Broja gjuajtje me aksion individual dhe është pak.
Kursim për Anglinë? Ndohta, ka raste se ka nga ata që nuk futin këmbën, mund të jetë kjo situate. Por ata mbrapa nuk u kursyen, ata të tre kanë bërë një ndeshje të mirë dhe sa mirë që nuk u kursyen. Se kur luhet çdo tre ditë, ndeshja mbrapa bëhet e rëndësishme si Anglia. Pastaj kur fiton 1-0, kur u kthyem në fushë nuk kishin të njëjtin shpirt si në pjesën e pare. Tani do të pyes lojtarët për këtë. Por 1-0 nuk do të thotë që nuk duhet të shtysh, se është rezultat i rrezikshëm”, tha Reja.