Në një kohë që futbolli shqiptar, vuan nga problemet e thella financiare, nga bota vijnë edhe shifra stratosferike.
Është tabloidi britanik “Daily Mirror”, që ka bërë një renditje të 10 pronarëve më të pasur në planet, për klubet e futbollit, ku vendin e parë, e mban bosi Ditrish Mateshitz, i Nju Jork Red Bulls, ekipit amerikan, me një pasuri 17.8 miliardë paund.
I dyti renditet sheiku Mansur, pronari i Mançester Sitit, me asetet e tij që shkojnë rreth 17 miliardë paund. Italianët e parë, renditen të tretët, me familjen Anjeli, të cilët kanë në pronësi Juventusin që nga viti 1947, dhe asetet llogariten në 10.4 miliardë paund. Më poshtë, renditja e 10 pronarëve më të pasur.
Ditrish Mateshitz – Pronari i Nju Jork Red Bulls, 17.8 miliardë paund
Sheiku Mansur – Pronari i Mançester Sitit, 17 miliardë paund
Familja Anjeli – Pronarët e Juventusit, 10.4 miliardë paund
Filip Anshutz – Pronar i Los Anxheles Galaksi, 10 miliardë paund
Roman Abramoviç – Pronar i Çelsit, 8.3 miliardë paund
Sten Kronk – Aksionari mazhoritar i Arsenalit, 6.4 miliardë paund
Naser Al-Kelaifi – Pronar i PSG, 6.2 miliardë paund
Zhang Jindond – Pronar i Interit, 5.5 miliardë paund
Shahid Khan – Pronar i Fulhemit, 5.4 miliardë paund
Xhoe Ljuis – Pronar i Totenhemit, 3.8 miliardë paund
