Nisur nga ulja e temperaturave, disa zona janë mbuluar nga bora. Autoriteti Rrugor Shqiptar bëri të ditur sot se gjatë natës ka pasur reshje dëbore me intensitet mesatar në akset Kukës-Shishtavec, Bogë-Theth, Tamarë-Vermosh, Korçë-Dardhë.
Mjetet borëpastruese kanë punuar për pastrimin e borës dhe shpërndarjen e kripës në këto akse rrugore. ARRSH bën me dije se qarkullimi vijon pa probleme në të gjitha akset nacionale
“Drejtuesit e mjeteve të pajisen me goma dimërore dhe zinxhirë kur udhëtojnë për në segmentet e mësipërme që janë me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, apelon ARRSH.