Vendi ynë do të ndikohet nga kushte atmosferike kryesisht të paqëndrueshme javën e ardhshme.
Duke filluar nga e hëna, moti parashikohet me vranësira mesatare deri të dendura, por edhe alternime të herëpashershme me diell. Në momentin e vranësirave të dendura; reshje shiu me intensitet deri mesatar në formën e shtrëngatave por hera-herës, lokalisht dhe në periudha afatshkurtra rrebeshe shoqëruar me shkarkesa elektrike dhe breshër.
Dita e martë parashikohet kryesisht me diell e vranësira kalimtare deri të dendura, por edhe reshje shiu të dobëta dhe lokale kryesisht në orët e mbrëmjes.
Më pas, duke filluar nga dita e mërkurë deri në fund të javës, moti parashikohet me alternime kthjellimesh dhe vranësirash deri të dendura. Reshje shiu të herëpashershme me intensitet deri mesatar në formën e shtrëngatave.