Reshjet e dendura të borës dhe temperaturat nën zero nuk kanë penguar qarkullimin e mjeteve në zonën e Matit.
Punonjësit e Bashkisë Mat kanë nisur punë intensive “deri në zonat më të largëta për mirëmbajtjen e rrugëve me skorje dhe kripë!“, shkruan kreu i Bashkisë Mat, Agron Malaj.
Më tej ai shkruan se “Jemi në dispozicion të banorëve për çdo problematikë, ndaj ju lutemi të na njoftoni menjëherë!”
Në një kohë që temperaturat shkojnë nën zero, falë përkushtimit të punonjësve të Bashkisë është bërë e mundur që edhe rrugët në zonat rurale të jenë të kalueshme për automjetet.