Kombëtarja shqiptare e futbollit është duke përjetuar momente suksesi, teksa ndodhet një hap larg kualifikimit për herë të dytë në Europian.
Ajo gjithashtu është vlerësuar pasi ka afruar pranë vetes talente, si rrallë herë jo vetëm nga kampionati shqiptar, por edhe shqiptarë të Maqedonisë, shqiptarë të Kosovës dhe deri në Preshevë.
Disa kosovarë kanë shprehur pakënaqësitë e tyre publikisht, duke kërkuar madje të ndalohen ftesat e FSHF-së për futbollistët shqiptarë të Kosovës.
Sado e trishtë të duket, ky është një realitet që nuk mund të fshihet, madje shfaqet hapur edhe në rrjetet sociale.
Një koreografi, nxorri në shkallët e stadiumit disa shqiptarë të Kosovës, të talentuar por që të gjithë kishin një të përbashkët, kosovarizmin. Çuditërisht, ideatorët kishin përzgjedhur Rita Orën dhe jo Dua Lipën për shembull, e cila së fundmi “deklarohet shqiptare”.
Për më tepër, futbollisti Xhaka, një shqiptar i Kosovës që luan për Zvicrën, deklaroi lidhur me largimet se “sa më shumë kombëtare të ketë, aq më mirë është”.
Mesa duket, qëllimi “bashkë, më të fortë” duket se tashmë është më tepër një ëndërr për disa, dhe makth për disa të tjerë.
Megjithatë kjo ndarje nuk i ka qefmbetjet vetëm te sporti, ajo gjen mbështetje të fortë te politika dhe te përplasjet e inatet mes atyre të Shqipërisë dhe këtyre të Kosovës.
