Këtë javë Shqipëria do të përfshihet nga një mot i paqëndrueshëm me reshje shiu, por në zonat malore nuk do të mungojnë edhe reshjet e dëborës.
Gjithsesi, sinoptikanët sqarojnë se reshjet nuk do të jenë me intensitet të lartë.
“Pjesa e dytë e ditës së diel do të sjellë vranësira të shtuara të cilat do të sjellin reshje shiu në ultësirën perëndimore, reshje të cilat nuk do të jenë problematike. Ndërsa në zonat malore, do të kemi prezente reshjet e dëborës në Qarkun e Kukësit, por edhe juglindje në Pogradec, Korçë dhe Ersekë”, tha sinoptikani Hakil Osmani për Tv Klan.
Ky mot i paqëndrueshëm do të shoqërohet edhe me ulje temperaturash deri në -7 gradë.
“Vlerat minimale në qytetet e zonave malore do zbresin në -4 gradë, ndërsa në fshatrat e thella malore do kemi temperatura edhe -7 gradë Celcius”.