Rikthimi i maturantëve në banka, Besa Shahini: Shkollat gati për ditën e hënën
Ministrja e Arsimit Besa Shahini ka publikuar disa foto nga shkollat duke theksuar se ato janë gati për të mirëpritur maturantët ditën e hënë.
‘Të gjitha shkollat gati për të mirëpritur maturantët ditën e hënë’, shkruan Shahini.
Rreth 31 mijë maturantë do të rikthehen të hënën në shkolla duke ndjekur rregulla shumë strikte të distancimit social dhe mbajtjes së higjienës.
Në çdo bankë do të ketë dezinfektantë dhe do të qëndrojë vetëm një nxënës, ndërsa bankat në klasë janë të vendosura në mënyrë të tillë që garantojnë distancimin fizik mes nxënësve e mësuesve.