Vitin e kaluar bëri bujë sherri mes reperit Noizy dhe gazetares Dasara Karaiskaj. Pas një deklarate të Dasarës, ku shprehej se nuk i pëlqente muzika e Noizy-t, ky i fundit iu përgjigj duke e quajtur “dhëmbë kalbur”. Së fundmi sherri është rikthyer në vëmendje, kur gjatë një interviste për programin “Mes yjesh”, Dasara i dërgoi mesazh Noizy-t duke thënë se gomari nuk çalon as nga veshët dhe as nga dhëmbët.
“Unë nuk i kam pasur të prishur dhëmbët në atë kohë. Unë besoj që dhe ai vetë e kuptoi që zbriti shumë shumë poshtë në nivel, në mënyrën se si më komentoi. Unë fola për muzikën që në fund të fundit kam të drejtën time të mos më pëlqejë. Nuk u mora as me buzët e trasha, as buzët e holla, as me dhëmbët… Sepse gomari nuk çalon nga dhëmbët përgjithësisht dhe as nga veshët! Në atë kohë unë kisha bërë transplant dhëmbësh. Dhe nga që kisha bërë transplantim, ishte normale që të kisha mishin e dhëmbëve të nxirë, por që nuk më bëhet vonë fare për këtë domethënë!”, u shpreh Dasara e ftuar në “Mes yjesh” në RTV Ora.
Gazetarja theksoi se nuk ka pasur asnjë sqarim me Noizyn për këtë situatë.
“Jo dhe nuk ka rendësi, nuk është e nevojshme kam përshtypjen, fare”, tha Dasara.
“Nuk u mërzita por u habita sepse isha gati për t’u futur në trasmetim, në emision. Filloi një lum mesazhesh, u ndjeva e viktimizuar sepse u vinte keq njerëzve për mua, dhe ndërkohë s’po kuptoja, pastaj shkova dhe e pash sepse më kishte bërë tag, por e fshiu shumë shpejt nuk e mbajti gjatë”, u shpreh gazetarja.