Sekretari i Përgjithshëm i Partisë Aleanca Demokristiane Eduart Ndocaj zhvilloi një takim sot me `Sali Berisha. Arsyeja e takimit sipas njoftimit “ishte diskutimi rreth situatës politike në vend, rritjes së nivelit të krimit të organizuar dhe korrupsionit qeveritar, uljes së nivelit të jetesës në kufinjtë e varfërise ekstreme, etj”.
Ndocaj e njohu Berishën me qëndrimet e Partisë Aleanca Demokristiane, si një parti e Qendrës së Djathtë. “Ndocaj i tregoi se Partia Aleanca Demokristiane nuk do pushojë së luftuari që pensionet minimale të jenë jo më pak se 300 mijë lekë të vjetra. Ai deklaroi se Partia Aleanca Demokristiane është e gatshme të bashkëpunojë në një koalicion të djathtë konservator për të larguar nga pushteti qeverisjen e korruptuar të socialistëve të Edi Ramës dhe për të çuar përpara drejtësisë të gjithë politikanët dhe qeveritarët e korruptuar e të inkriminuar”, thuhet më tej në njoftim.
Në përfundim të takimit kryetari Berisha u shpreh i gatshëm për bashkëpunim në kuadër të një koalicioni me Partinë Aleanca Demokristiane dhe firmosjen e një akt marrëveshjeje bilaterale midis PD dhe ADK-së