Rithemelimi nesër do të bllokojnë Kuvendin, as grupi i Bashës nuk do të votojë Amnistinë Penale

Mbledhja e grupit parlamentar të PD-së së Rithemelimit, ka vendosur të bllokojë nesër seancën e Parlamentit ku është parashikuar të votohet marrëveshja me Italinë për emigrantët, ligji për zonat e mbrojtura dhe amnistia penale. Në lidhje me amnistinë, grupi i PD ka sqaruar se në parim janë pro amnistisë, por në situatën ku ndodhet parlamenti, grupi i PD-së nuk përfshihet as në diskutime e as në procesin e votimit. Një ditë pas protestës deputetët vendosën të dalin në bazë dhe mësohet se Flamur Noka dhe Gazment Bardhi do të nisin së shpejti një tur në të gjitha degët e PD.