Interi fitoi 2 – 1 me Udinezen të dielën për javën e 30 të Serie A, duke formuar pozitën në krye të renditjes. Në pjesën e parë ishin vetëm zikaltërit që rrezikuan. Inter kaloi në avantazh në minutën e 12’ me Arnautoviç. Në të 29′ ishte Fratesi, i cili realizoi përsëri për zikaltërit.
Në të dy rastet pasimet u dhanë nga Dimarko. Solet shënoi për në të 72’, ndërsa friulanët patën edhe mundësi të tjera në sfidën që u zhvillua në San Siro, por pa sukses falë edhe ndërhyrjeve të Somer. Kristjan Asllani hyri në fushë si zëvendësues vetëm në kohën shtesë.
Napoli fitoi takimin e javës së 30 të Serie A me Milanin, duke iu kundërpërgjigjur Interit në garën për titullin. Skuadra e Antonio Kontes e treguan menjëherë qëllimin për të marrë 3 pikët, duke realizuar me Politanon pas 62 sekondash. Sulmuesi i napoletanëve kaloi mbrojtjen e përgjumur të Milanit për të entuziazmuar menjëherë tifozët e pranishëm në stadiumin Maradona. Në minutën e 19’ ishte Lukaku, i cili realizoi për vendasit.
Në pjesën e dytë Milan pati një mundësi të mirë në të 69’, por penalltia e goditur nga Himenez u prit nga Meret. Goli i Jovic i shënuar në minutën e 84’ ishte i pamjaftueshëm për t’i dhënë pikë ekipit të tij. Napoli me këtë fitore është 3 pikë larg Interit kryesues, ndërsa Milani shikon më larg zonën e kupave të Europës.