Superylli i Portugalisë, Cristiano Ronaldo është bërë personi i parë që ka 600 milionë ndjekës në rrjetin social Instagram.
I njohur si një nga futbollistët më të mirë në botë, ai mban pozicionin e sulmuesit për Al Nassr dhe shërben si kapiteni i kombëtares portugeze.
Ylli i futbollit poston në mënyrë aktive në Instagram dhe ka fituar më shumë se 150 milionë ndjekës që nga maji i kaluar, sipas Social Blade, një rritje prej 34%.
Sipas Forbes, ylli 38-vjeçar i futbollit ka gjithashtu një pasuri neto prej 500 milionë dollarësh, duke e bërë atë një nga sportistët më të pasur dhe më të suksesshëm në botë.