Një 59-vjeçar shqiptar ka rrahur gruan në mes të qytetit në Itali, dhe madje kur policia shkoi për ta ndalur, ai qëlloi edhe forcat e rendit, duke bërë që 4 prej tyre të përfundojnë në spital.
Ndërkohë që pasi shqiptari u ndalua, gruaja u dërgua më vonë në spital ku mjekët i dhanë 20 ditë prognozë.
Katër agjentë përfunduan në dhomën e urgjencës me prognozë 7 deri 9 ditore.
Shqiptari u arrestua më pas për keqtrajtim në familje, lëndime të rënda dhe rezistencë ndaj një zyrtari publik dhe tani është në burg në Lodi duke pritur masën e paraburgimit nga ana e gjykatës.