Në shtator të vitit të kaluar tre të rinj kanë rrëmbyer me armë një 15-vjeçare nga shtëpia e saj. Ngjarja ndodhi në qytetin e Bulqizës, ku ka qënë e ëma e të miturës që i kallëzoi në polici.
Vetëm katër muaj pas ngjarjes policia e Bulqizës vuri në pranga 29-vjeçarin DorianTotraku, të shpallur në kërkim pasi gjykata kishte caktuar për rastin në fjalë masën arrest me burg.
Ndaj tij rëndon akuza e “Përkrahjes së autorit të krimit ” dhe “Kanosje për të mos kallzuar”.
Ngjarja e shtatorit 2018
Policia e Dibrës njoftoi më 7 shtator se tre persona kanë kanosur për të tërhequr kallëzimin nga Policia shtetasen H.K, pasi kjo shtetase me datë 05.09.2018, ka bërë kallzim se në orët e mbrëmjes në banesën e saj kanë ardhur shtetasit F.T, dhe E.D, ku dyshohet se nën kërcënimin e një arme zjarri, kanë kërcënuar familjarët që ndodheshin në banesë, dhe më pas janë larguar sëbashku me shtetasen M.K, 15 vjeçe.
Nga deklarimet e shtetases H.K (nëna e saj), dyshohet se vajza M.K, ka pasur lidhje me shtetasin F.T”, thuhej në njoftimin e atëhershëm.