Derbi i zjarrtë i Serbisë mes Crvena Zvezda dhe Partizanit të Beogradit ka përfunduar me tensione të shumta në shkallët e stadiumit. Pas përfundimit të takimit, ka patur përleshje mes tifozerive respektive. Madje tifozët e Partizanit i kanë vënë flakën stolave të stadiumit “Ylli i Kuq”.
Situata u tensionua fill pasi tifozët e Crvena Zvezda-s paraqitën një koreografi me një pamje nga filmi “Vrapimi i Fundit i Maratonistit”, në të cilën dukeshin varreza. Kjo simbolikë ishte si një kërcënim kundrejt tifozëve të Partizanit, duke nënkuptuar se ata do të mbeten të vdekur meqënëse quhen “grobaret (varremihësit).
Trazirat vazhduan edhe një orë pas përfundimit të derbit. Por edhe pas një ore, xhandarmëria nuk arriti që të qetësojë publikun në tribunën jugore.