Dy persona të armatosur e të maskuar kanë qëlluar për vdekje pronarin e një televizioni në qytetin e Rrëshenit.
Ai është qëlluar sapo ka zbritur nga makina për në lokalin e tij në këtë qytet.
Bëhet fjalë për Kastriot Reçi, pronari i “Media plus tv”, i cili jo më larg se katër vite më parë iu lakua emri për trafik droge.
Policia ka mbërritur në vendngjarje dhe pritet të japë detaje të tjera.
Ndërkohë dy vite më parë Kastriot Reçit i vranë vëllain në kryeqytetin italian, Romë.
Mirditë/Informacion paraprak
Sot, rreth orës 11:05, në afërsi të një lokali në Rreshen, Mirditë,në rrethana ende të paqarta është vrarë me armë zjarri shtetasi K.R., 47 vjeç
Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.
Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve.