Forcat ruse kanë goditur me raketa një bllok apartamentesh dhe një kopsht fëmijësh në kryeqytetin ukrainas Kiev të dielën, sulme që Presidenti i SHBA-së Joe Biden i dënoi si “barbarizëm” ndërsa liderët botërorë u mblodhën në Europë për të diskutuar vendosjen e sanksioneve të mëtejshme kundër Moskës, sipas Reuters.
“Rusët goditën përsëri Kievin. Raketat dëmtuan një ndërtesë apartamentesh dhe një kopsht fëmijësh,” tha Andriy Yermak, kreu i administratës së presidentit.
Nënkryetari i bashkisë Mykola Povoroznyk tha se një person u vra dhe gjashtë u plagosën.
“Është më shumë barbarizmi i tyre”, tha Biden, duke iu referuar sulmeve me raketa në Kiev, ndërsa udhëheqësit e demokracive të pasura të Grupit të Shtatë (G7) u mblodhën për një samit në Gjermani.
Ministri i Jashtëm i Ukrainës Dmytro Kuleba tha se vendet e G7 duhet t’i përgjigjen sulmeve të fundit duke vendosur sanksione të mëtejshme ndaj Rusisë dhe duke dërguar më shumë armë për Ukrainën.
Ndërsa konflikti më i madh i Europës që nga Lufta e Dytë Botërore hyri në muajin e tij të pestë, aleanca perëndimore që mbështet Kievin po fillonte të tregonte shenja tendosjeje ndërsa liderët shqetësoheshin për koston ekonomike në rritje.