Cristiano Ronaldo “anashkalon” ndeshjen me Atalantën.
Shansi 1% i lënë nga trajneri, Maurizio Sarri është thjesht një formalitet. Portugezi, pasi është rikthyer nga dy ndeshjet me ekipin e tij kombëtar, po kryen një program të personalizuar për t’u rikuperuar nga problemi i vogël muskulor që e ka kapluar për disa javë.
Qëllimi tani është që të kthehet në ndeshjen e Champions league kundër Atletico madrid.
“Nuk ka nevojë për sqarime. Unë kam ardhur nga vitet ’90 dhe madje edhe amatorët kishin të njëjtin reagim ndaj zëvendësimeve ose e kam kaluar jetën time duke sqaruar. Jam mësuar me faktin se lojtarët duhet të lihen të ziejnë. Ky nuk është problem, problemi i vërtetë është se në ndeshjen e parë kundër Portugalisë , Cristiano ishte më në formë ndërsa në të dytën ai kishte të njëjtat probleme si në ndeshjet e fundit. kështu që ne po mundohemi ta riaftësojmë nga ky shqetësim që po e kondicionon, madje edhe mendërisht, duke u munduar ta bëjmë atë të stërvitet më mirë. Synimi është që në ndeshja e champions me Atletico të jetë gati. Po e realizon këtë program, por nesër nuk do të jetë në dispozicion me 99%”, tha Sarri.
Atalanta është një kundërshtar i rrezikshëm dhe tekniku italian e pranon se i pret një takim delikat.
“Ta quaj një ekip thjesht të bezdisshëm më duket një zhvlerësim. Ka një mënyrë të luajturi me një nivel të lartë agresiviteti dhe intensiteti, por gjithashtu ka cilësi të shkëlqyera teknike. Nuk është rastësi që ata shënojnë shumë. Unë mendoj se përkufizimi më i bukur Atalantës i është dhënë nga Guardiola, është si të shkosh te dentisti. Ai është një kundërshtar i rrezikshëm, është e qartë se do të jetë e vështirë që të minimizosh të gjithë talentet e tyre,” deklaroi Sarri.