Simboli i shqiponjës dykrenare që Anxhela bëri gjatë një paraqitjeje para mediave në Eurovision revoltoi mediat serbe, të cilat e cilësuan veprimin e këngëtares shqiptare si një provokim duke e quajtur skandal.
“Në prag të mbrëmjes së parë gjysmëfinale të Eurovision, e cila po mbahet në Hollandë në Roterdam, kishte një skandal kur përfaqësuesja e Shqipërisë, Anxhela Peristeri, doli para shtypit dhe tregoi simbolin e Shqipërisë së Madhe, “Shqiponja me dy koka”.” shkruante Blic.
Ndërkohë media “Srbijadanas” akuzonte Anxhelën se ka kopjuar këngëtaren serbe, Lepa Brena me veshjen e saj.Pas këtyre artikujve ka reaguar i revoltuar edhe Ardit Gjebrea, i cili i ka konsideruar të sëmurë mendorë.
“Përfundimisht, këta janë të sëmurë mendorë”, ka shkruar Arditi duke postuar lajmin në fjalë.