Janë ndjerë sërish lëkundje të tjera toke në shtetin grek, ku kësaj here tërmeti ka rënë në ishullin e Kretës dhe raportohet se ishte me magnitudë 4.1 të shkallës Rihter. Epiqendra e tij ishte qyteti Heraklion, i cili është “shkundur” edhe më parë nga lëkundjet sizmike.
Sipas mediave greke, tërmeti ka shkaktuar vetëm për demë të vogla materiale dhe panik tek qytetarët, por jo dëme në njerëz.
Faktikisht, kjo zonë e Greqisë goditet shpesh nga tërmetet pasi ndodhet pranë një pllake tektonike. Ndërkohë, sizmilogët grekë kanë paralajmëruar më parë edhe për një tërmet të fuqishëm që mund të godasë zonën duke parë rritjen e intensitetit të lëkundjeve gjatë muajve të fundit.