Cristiano Ronaldo e mbylli vitin pa asnjë trofe, ndërsa skuadra e tij renditet në vend të dytë, me pesë pikë më pak se sa fituesit e kampionatit Al Itihad. Që në nisje, 38 vjeçari përjetoi zhgënjim.
Skuadra e tij u mund në Superkupën e Arabisë Saudite nga Al Ittihad disa ditë pas mbërritjes, ndërsa më vonë u mposht nga Al Uehda në Kupën e Mbretit.
Për më tepër që ekipi i portugezit kurrë nuk ka qenë në pozita të mira për të arritur kryesuesit e kampionatit. Në pesë muajt e tij në Arabinë Saudite, Ronaldo ka shënuar 14 gola.
Në total në sezonin që sapo u mbyll, sulmuesi ka realziuar 22 gola për United, Al Nassr dhe Portugalinë. Kjo performancë e bën 2022/2023 sezonin e tij më të keq që nga 2005/2006, kur ai ishte 21 vjeç.