Vetëm 4 muaj më parë, Sherif Kallku i dha fund huazimit te Partizani, për t’u transferuar te Tirana. Pas gjysmës së parë të sezonit, ku ka qenë titullar i padiskutueshëm me bardheblutë, fantazisti ndërpreu marrëdhënien me klubin.
Kallaku largohet pas 15 ndeshjeve të luajtura, ku ka shënuar edhe dy gola. 24-vjeçari do të mbetet në Kategorinë Superiore, pasi ka zgjedhur të kthehet te Teuta, skuadër me të cilën u promovua, e nga e cila u transferua te Lokomotiva e Zagrebit në Kroaci.
Me Djemtë e Detit që pozicionohen në vendin e fundit të Superiores, afrimi i Kallakut cilësohet si shtysa më e madhe drejt mbijetesës në elitë.