Në 13 maj, një sherr me thika përgjaku rrugën “Earl Marshal” në Sheffield të Britanisë së Madhe, ku i mori jetën 22-vjeçarit shqiptar Armend Xhika.
Së fundmi, raportohet se një person është arrestuar dhe akuzohet për vrasjen e të riut shqiptar. 22-vjeçari shqiptar u plagos në rrugën “Earl Marshal” në Burngreave dhe vdiq në spital.
Personi i arrstuar është 24-vjeçari Luigi Antonaçi, nga Scoresby Street, Bradford. Ai u arrestua të premten si autor i dyshuar i krimit të rëndë. Në pranga është vënë edhe një vajzë 21-vjeçare e cila dyshohet se ka lidhje në vrasjen e të riut shqiptar në Sheffield, në maj të vitit të kaluar.
Pas marrjes në pyetje, e reja është lënë e lirë. Ndërsa Luigi Antonacci, nga Scoresby Street, Bradford është akuzuar për vrasje. Ai po qëndron në paraburgim dhe ditën e hënë do të dalë para Gjykatës së Magjistraturës së Sheffield.