Në konferencën me gazetarët, Sali Berisha u pyet edhe për situatën që u krijua sot mes deputetëve të PD-së, kontretisht mes Kreshnik Çollakut nga grupi Basha dhe Dashnor Sulës nga grupi i Rithemelimit, pas bllokimit të punimeve të Komisionit për Çështjet Europiane. Berisha tha se është mëkat ta quash Lulzim Bashën opozitë, duke nënkuptuar kështu se deputeti Çollaku ishte ai që provokoi një përplasje të tillë me Dashnor Sulën.
”Çdo deputet që i provokon është provokator i ulët. Protesta nëse s’merr pjesë, respektohet. Në moral e në kod respektohet. Ata deputetë që provokojnë kolegët e tyre, për një kauzë absolute të drejtë, janë provokatorë të ulët.
Sigurisht s’jam për asnjë skenë, ju e patë herën e fundit që morëm karriget në Parlament. Nuk duhet të komentojmë në mënyrë të atillë që qytetarët të thonë se ç’po ndodh, duhet të kenë një vlerësim maksimal për ta që prej një muaji protestojnë. Duhet të dijmë të interpretojmë. Prapa grumbullit të karrigeve duhet të shohin feniksin që ngrihet, një mur kështjelle që ngrihet për të mbrojtur të drejtat”, tha Berisha.