Numri i futbollistëve shqiptarë që aktivizohen në Serinë A italiane është i lartë dhe shumë prej tyre janë protagonistë te skuadrat ku luajnë. Mediat italiane kanë bërë edhe një klasifikim me futbollistët më të shtrenjtë në Itali, ku nga Shqipëria e udhëheq listën, mbrojtësi Elseid Hysaj.
Vlera e kartonit të shkodranit arrin në 23 milionë euro ndërkohë që i dyti renditet Strakosha me vetëm 3 milionë euro më pak se Hysaj. Vend në podium ka edhe për Gjimshitin që klasifikohet si i tretë më i shtrenjtë nga shqiptarët, vlera e të cilit shkon në 7.5 milionë euro.
Sakaq, Veseli dhe Ndoj vlerësohen me nga 3 milionë euro secili, por mbrojtësi sezonin e ardhshëm, do të luajë në Serinë B me shumë gjasa, ndërkohë që Breshia e Ndojit është ngjitur në Serinë A.