Pas 1 viti e gjysmë mungesë në ekran dhe po aq punë për të krijuar nga fillimi televizion ri Euronews Albania, moderatorja Ilva Tare më në fund ka dhënë sinjalet e rikthimit të saj.
Në janar 2020 do të nisë edhe emisioni i saj i ri, i cili sigurisht do të jetë brenda formatit të Euronews, me lajme të thelluara dhe me të ftuar protagonistët e këtyre lajmeve ku brenda emisionit do të trajtohen disa tema. Vetë moderatorja na ka treguar një pjesë nga studio e saj e cila duket se bazohet tek teknologjia dhe tek ndërveprimi, çka nënkupton që do shohim shumë lidhje direkte në emision.
Mbetet për t’u parë ende se çfarë emri do të vendosë gazetarja për këtë emision të cilin ende nuk na e ka bërë publik. Megjithatë një ndryshim e shohim që në fillim, koha kur Ilva moderonte me flokë të shkurtra ka mbaruar. /tirananews.al