Sot u mbajt mbledhja e Këshillit të Legjislacionit për kërkesën e PD-së, ku kërkohet shkarkimi i Lindita Nikollës si kryetare e Kuvendit. Ddeputetja e PD-së, Dhurata Çupi tha se në mbledhje u lexua vetëm raporti i Partisë Socialiste, ndërsa nuk u lexua raporti i PD sepse deputeti Gazment Bardhi u përjashtua nga Kuvendi për një afat 10 ditor.
“Këshilli i legjislacionit u vu në lëvizje për shkak të kërkesës së 28 deputetëve të opozitës për shkarkimin e kryeparlamentares lidhur me zhvillimet në seancën e 6 janarit. Mbledhjen nuk keni mundur ta ndiqni pasi nuk është lejuar as prania e gazetarëve.
Në këtë mbledhje debatuam dhe nuk lejuan që mbledhja të jetë në transparencë. Pasi Këshilli i Legjislacionit mbylli punimet, Bardhi u përjashtua për 10 ditë nga seanca plenare e rradhës. Ata përjashtuan Bardhin në mënyrë që me votën e kartonit të vendosnin që mbledhjet të mos ishin live dhe diskutimi të mos ishte publik dhe që raporti të mos lexohej nga Bardhi”,-tha Çupi.