Afrim Qendro është shkarkuar nga posti i drejtorit të Autoritetit Rrugor Shqiptar, ndërsa në vendin e tij është emëruar ish-ministrja për Mbrojtjen e Sipërmarrjes, Sonila Qato.
Vendimi është zyrtarizuar ditën e sotme pas kërkesës së ministres së Infrastrukturës dhe Energjisë Belinda Balluku drejtuar Bordit pas skandalit me firmën ‘DH Albania’.
Kjo është lëvizja e dytë që bëhet brenda 24 orëve në dy institucionet që ‘DH Albania’ fitoi tenderat me vlerë 30 milionë euro, pasi dje dha dorëheqjen edhe kreu i Operatorit të Sistemit të Transmetimit, Klodian Gradeci, ndërsa në vendin e tij u emërua Skerdi Drenova.