Agjencia Shtetërore e Ukrainës për Menaxhimin e Zonës së Përjashtimit ka akuzuar forcat ruse si përgjegjës kryesorë në pushtimin e termocentralit bërthamor të Çernobilit duke plaçkitur dhe shkatërruar një laborator të tij.
Zyrtarë ukrainas të këtij institucioni deklaruan se rusët kishin dëmtuar laboratorin e tyre analitik, i cili bënte një përpunim shumë të shpejtë të mbetjeve radioaktive. Ata theksuan gjithashtu se laboratori përmban pajisje të vlefshme që nuk janë të disponueshme diku tjetër në Evropë..
Përmes një postimi në “Facebook”, Agjencia shtetërore u shpreh se laboratori kishte mostra shumë aktive dhe mostra të radionuklideve, të cilat sot janë në duart e armikut.
Laboratori në fjalë, i cili ka kushtuar diku tek 6 milionë euro për t’u ndërtuar, kishte gjithashtu pajisje të vlefshme analitike që nuk ishin të disponueshme diku tjetër në Evropë.